Ir ao contido

Repartir os músicos por servizo

Cando non todo o persoal músico do proxecto vai a todos os servizos (as frautas altérnanse, unha sección non vén a un ensaio), o reparto por servizo indica quen participa en cada un, instrumento a instrumento. Só sae o persoal músico do cadro de persoal xeral do proxecto: como se prepara explícao Preparar o cadro de persoal dun proxecto.

  1. No proxecto, entra en Cadro de persoal e preme Reparto por servizo no panel da esquerda, debaixo do cadro de persoal xeral. Tamén podes premer a icona de cuadrícula da cabeceira dun instrumento do cadro de persoal, que abre directamente ese instrumento.
  2. Escolle o instrumento nos chips de arriba. Saen na orde do cadro de persoal, con cantas persoas ten cada un.
  3. Na táboa, os servizos do proxecto van en filas e as persoas dese instrumento en columnas. Marca en cada servizo as persoas que van. Os botóns co reconto marcan ou quitan unha fila enteira (Todos neste servizo) ou unha columna enteira (En todos os servizos), e o da esquina, a táboa enteira.
  4. Preme Gardar. Para pasar a outro instrumento, garda antes.

Debaixo de cada servizo, unha barra compara cantas persoas van coas que pide o orgánico das obras dese día: verde se cadra, ámbar se faltan e azul se sobran. Ao pasar o rato por riba ves os números.

Para abrir un servizo e editalo, preme a súa data.

  • Nun servizo con reparto dun instrumento, dese instrumento participan só as persoas marcadas. Conta para o cadro de persoal do servizo e as súas descargas, para o calendario de cada persoa, para os servizos do seu contrato e para as apps.
  • Nun servizo sen reparto, participan as de sempre: as das agrupacións do servizo ou, se ten obras nos seus bloques, as que están nelas. Na táboa saen en ton claro.
  • Vale ao gardar, aínda que o cadro de persoal non estea publicado, e non se avisa a ninguén do cambio.
  • Quen o ve: decídeo o permiso Reparto por servizo de cada rol de acceso, co seu alcance. De entrada, quen xestiona os proxectos veo enteiro e o persoal músico ve só o do seu instrumento, e en percusión o de toda a sección.

Se un servizo ten obras nos seus bloques, o reparto e o cadro de persoal desas obras axústanse sós:

  • Se quitas a alguén do reparto dun día, sae das obras dese día.
  • Se o engades, entra nas obras dese día en cuxo cadro de persoal está, no lugar que lle dá. Ás demais persoas non se lles move.
  • Se o pos a man nunha obra do bloque, entra no reparto. Se o quitas e non interpreta outra obra ese día, sae.
  • Unha obra que engades a un bloque cárgase xa coas persoas do seu cadro de persoal que están no reparto dese día, e o mesmo ao pasala con Transferir a servizos: non trae a quen ese día non está.

Na táboa, unha corchea na cela indica que esa persoa está nas obras dese día. Se sae riscada e en ámbar, está no reparto pero non no cadro de persoal de ningunha obra dese día. Conta igual: pode que falte engadir a obra ao bloque, ou poñela no cadro de persoal da obra.

  • Dun instrumento: na barra do reparto, preme a icona Descargar o reparto deste instrumento (Excel). Garda antes os cambios.
  • De todo o cadro de persoal: no cadro de persoal xeral, preme a icona de descarga da barra e escolle Reparto por servizo. Descárgase un Excel cunha folla por instrumento.

En cada folla, «X» é quen está no reparto dese día e «(X)» quen participa por defecto porque ese día non hai reparto. Ao final de cada fila van as persoas asignadas e o que pide o orgánico, en ámbar se faltan, e abaixo, cantos servizos fai cada persoa.

  • Alguén non sae na táboa. Só saen as persoas do cadro de persoal xeral, no instrumento co que están nel. Engádeo ao cadro de persoal xeral e garda.
  • Alguén desapareceu dunha obra do bloque, ou apareceu nela. É o axuste entre o reparto e as obras dese día. Revisa o reparto do seu instrumento.
  • Non podes marcar un servizo. Non tes permiso para editar ese servizo.
  • Non ves a icona de descarga. Depende do teu rol de acceso: descargar o cadro de persoal.