Configurar a marxe dos servizos
O persoal técnico adoita chegar antes dun ensaio e quedar despois: montar, recoller, abrir a sala. A marxe dos servizos son eses minutos antes e despois, que se suman ao que computa cada persoa na súa ficha e no desempeño do equipo. Non cambian o servizo no calendario nin o que ve o persoal músico.
A marxe ponse do xeral ao concreto: a institución, o departamento, o posto, o contrato da persoa, o equipo do proxecto e o servizo. Cada nivel cambia o do anterior. Un campo baleiro herda, e un 0 anúlao.
Poñer a marxe xeral
Sección titulada «Poñer a marxe xeral»- Entra en Configuración › Axustes xerais › Equipo › Marxe dos servizos.
- En Xeral, escribe os minutos de Antes e de Despois. Gárdase ao saír do campo.
- Debaixo, nos departamentos e nos postos de traballo, cambia o dos que o necesiten. Se unha persoa ten marxe polo seu departamento e polo seu posto, prevalece a do posto.
De entrada só saen os departamentos e os postos que teñen a alguén ou que xa teñen marxe. Para ver o resto, preme Ver todos (… máis).
Poñer unha marxe a unha persoa
Sección titulada «Poñer unha marxe a unha persoa»- Abre o seu contrato.
- Na tarxeta de control horario, a liña Marxe dos servizos indica a que ten e de onde lle vén: xeral, do seu departamento ou do seu posto.
- Preme Cambiar, escribe os seus minutos e garda o contrato.
Poñer unha marxe nun proxecto ou nun servizo
Sección titulada «Poñer unha marxe nun proxecto ou nun servizo»- No equipo técnico do proxecto, ou na tarxeta do equipo técnico dun servizo, cada persoa leva un reloxo no seu chip. Atenuado, herda; con minutos, ten unha marxe propia nese proxecto ou nese servizo.
- Preme o reloxo. Verás a que herdaría.
- Escribe os seus minutos e preme Gardar.
No reparto por servizo do proxecto, a cela de quen ten marxe propia nese servizo leva un reloxo, e a marxe aparece ao pasar o rato por riba. Como escoller o equipo e repartilo explícao Escoller o equipo técnico dun proxecto.
Como se conta
Sección titulada «Como se conta»Cada servizo ocupa desde o seu inicio menos a marxe de antes ata a súa fin máis a de despois. Se dous servizos seguidos da mesma persoa se solapan, o tempo que comparten cóntase unha soa vez, e a marxe de despois nunca entra no servizo seguinte. Por exemplo, un ensaio de 10:00 a 13:00 con 15 minutos despois e outro de 13:30 a 15:00 con 30 minutos antes computan 5 horas e 45 minutos, non 6 horas. Na ficha, o servizo indícache cantos minutos de marxe xa estaban contados no outro.
Un servizo de día completo non ten marxe.
Se non funciona
Sección titulada «Se non funciona»- A marxe non se ve na ficha dunha persoa. Só se computa ao persoal técnico (especialidade Administración, Administrativo/a ou Produción) e nos servizos aos que está asignado.
- Sae menos marxe da que puxeches. Sólapase con outro servizo da persoa ou chegaba ao servizo seguinte. Pasa o rato por riba para ver canto xa estaba contado.
- Non sae un departamento ou un posto nos axustes. Aínda non o ten ninguén: preme Ver todos (… máis).
- Non podes cambiar un nivel. O teu rol de acceso non permite editar esa parte: a xeral vai coas preferencias de contratos, e as demais cos departamentos, os postos, o contrato, o equipo do proxecto ou o servizo.
Fala con quen administra a túa institución se necesitas outro permiso. Se a marxe computada non sae de ningún nivel que vexas, escríbenos a help@weikos.io cunha captura.