Ir ao contido

Rexistrar a xornada co lector de tarxetas

O lector de tarxetas é unha páxina de Weikos que se abre en calquera tableta ou móbil. Cada persoa achega a súa tarxeta de identificación e o lector rexistra a súa entrada ou a súa saída, coa hora de Weikos. A tableta vincúlase unha soa vez cun código, sen conta de persoa usuaria, e queda a pantalla completa sen apagarse.

  1. Na web, entra en Configuración › Control horario e activa Lector de tarxetas.
  2. En Lectores, preme Engadir lector, escribe en Onde está onde vai estar, por exemplo «Entrada sala de ensaio», e continúa. Sae un código e o seu QR, que valen 30 minutos e unha soa vez.
  3. Na tableta, escanea o QR coa cámara, ou abre app.weikos.io/presence-reader e escribe o código en Vincular este lector.
  4. Na web verás Dispositivo vinculado. Xa pode ler tarxetas..
  5. Na tableta, toca Toca a pantalla para comezar e permite o uso da cámara.

Para abrilo cun toque, engade a páxina á pantalla de inicio da tableta: no iPad, desde Safari, con Compartir › Engadir á pantalla de inicio. Se a tableta vai quedar fixa na entrada, déixaa enchufada, co bloqueo automático desactivado e bloqueada no lector con Acceso guiado (iPad) ou Fixar pantalla (Android). A tableta segue sendo unha tableta: podes saír do lector e volver a el cando queiras.

En repouso, o lector amosa a hora e Achega a túa tarxeta.

  1. Achega a tarxeta, impresa ou na pantalla do móbil, á cámara. Se conectas un lector de códigos USB ou Bluetooth, tamén podes pasala por el.
  2. A primeira vez rexistra a entrada, en verde, coa hora. A seguinte, a saída, en morado.
  • Se alguén pasa a tarxeta outra vez antes dun minuto, o lector avisa en laranxa de que a entrada xa está rexistrada e non fai nada.
  • Se tiña aberta unha entrada doutro día, o lector péchaa e pídelle que pase outra vez a tarxeta para rexistrar a entrada de hoxe.
  • Se ten varios contratos activos á vez, escolle na pantalla en cal rexistra a entrada.

Se o teu rol ten o permiso de usar o lector de tarxetas, no control horario, xunto a Resumo de horas, verás Lector de tarxetas. Ábrese noutra lapela e funciona igual. O que rexistres queda co teu nome.

No control horario, a columna Orixe indica se cada entrada e saída chegou polo lector, pola app, pola web ou se engadiu a man. Ao pasar por riba ves que lector foi, e no detalle do rexistro, quen o fixo. Tamén sae na descarga en Excel.

En Configuración › Control horario › Lectores, abre o menú ⋮ do lector e escolle Desvincular. Deixa de ler no momento e os seus rexistros consérvanse.

  • A tableta di Lector desactivado: activa o lector de tarxetas en Configuración › Control horario.
  • Non se ve a cámara: toca Toca aquí para permitir a cámara e acepta o permiso. Se o navegador non o pide, abre o lector en Safari ou en Chrome, ou conecta un lector de códigos.
  • Sae Tarxeta non válida: a tarxeta revogouse ou é doutra institución. Imprime a vixente.
  • Di que non ten un contrato activo: o seu contrato rematou ou non ten control horario.
  • Di «Sen conexión»: a tableta non ten internet e non se rexistrou nada. Engade o rexistro a man no control horario.
  • A tableta volve pedir o código: desvinculouse. Engade un lector novo e vincúlaa outra vez.