Ir ao contido

Xestionar a biblioteca de partituras

A biblioteca garda as partituras da túa institución: cada unha cos seus PDF e o instrumento de cada parte, os seus datos de arquivo e as súas etiquetas. Desde aí escóllense para cada obra do programa dun proxecto. As partituras xestiónanse desde a web.

  1. Entra en Actividade › Biblioteca. Por defecto, as partituras aparecen con Agrupar por obra: unha obra con varias partituras ten unha fila que se prega, e debaixo cada partitura. Arriba á esquerda podes cambiar a Unha fila por partitura.
  2. Escribe no buscador parte do número de catálogo, a obra, o compositor ou o material; non fai falta poñer acentos.
  3. Coa icona de filtros, á dereita, acoutas por compositor, instrumento, Propiedade, proxecto ou etiquetas. Con Só visibles quedas coas que o persoal músico ve nalgún proxecto.
  1. Na biblioteca, preme Engadir.
  2. En Nova partitura, escribe polo menos tres letras do compositor e escólleo da lista común. Se non está, preme Non está: engadir compositor/a e escribe o seu Nome, os seus Apelidos e, se os sabes, o Nacemento, a Morte e a Nacionalidade.
  3. Escribe a Obra e, se queres, o Material: o que distingue esta partitura doutras da mesma obra, como «Arcos orixinais».
  4. Preme Crear. Ábrese a súa ficha.

Se unha obra xa ten varias partituras, na vista agrupada a súa fila leva un «+», Engadir outra partitura desta obra: o diálogo aparece co compositor e a obra postos.

  1. Na ficha, en Ficheiros e partes, solta o cartafol enteiro ou os PDF en Solta aquí o cartafol ou os PDF, ou preme aí para escollelos. Só se admiten PDF, de ata 50 MB cada un, e non hai límite de ficheiros. Súbense todos sen pedirche nomes. Se algún non entra, os demais soben igual e ao terminar un aviso dite cantos subiron e cales non, co motivo.
  2. Weikos propón o instrumento de cada parte polo nome do ficheiro («Violin1» é violín 1). Nos que acabas de subir ponse só; nos antigos aparece en ámbar e confírmalo cun clic, ou todos á vez con Confirmar as … propostas.
  3. Para engadir outro instrumento a unha parte, preme o «+» da súa fila, Engadir instrumento; para quitalo, a ✕ do seu chip.

Ademais dos instrumentos, unha parte pode ser para Todos, e vena todo o persoal músico que ten a partitura, ou para Concertino ou Solista de violonchelo, e vea tamén quen ten ese posto no seu contrato.

Arriba verás Faltan: … coas partes que pide o orgánico e non teñen ningún ficheiro. Cada ficheiro ten os seus tres puntos con Abrir, Descargar, compartir e Eliminar.

  1. En Partitura, á dereita, preme o lapis.
  2. Completa o N.º de catálogo, a Localización (déixaa baleira se só está en dixital), os Xogos, a Propiedade (Propia, Aluguer, Cesión ou De terceiros), a Editorial e a Distribuidora. Se outra partitura xa ten ese número, Weikos avísate, pero podes gardar.
  3. En Observacións, preme o lapis para escribir notas sobre a partitura.

Estes datos aparecen na ficha, nas columnas da biblioteca e no Excel. O persoal músico non os ve: na súa ficha só están a obra, o compositor, o material e as súas partes.

Cando alugades o material dunha obra, anótao na partitura: de quen é, para que proxecto, cando chega e cando se devolve, cantos exemplares, canto custa e se os dereitos de execución van incluídos.

  1. Desde o programa do proxecto, na obra, lapela Partitura, preme Alugar material. Escolle o provedor, revisa as datas (as do proxecto) e pon o que saibas: Exemplares pedidos, Exemplares recibidos, o prezo, a fianza e os Dereitos de execución. A partitura créase na biblioteca como aluguer, ponse na obra e queda anotado o seu aluguer para ese proxecto. Se xa tiñades unha de aluguer desa obra, escolle Volver alugar «…» e non se crea outra.
  2. Desde a biblioteca, na ficha dunha partitura de aluguer, preme + Engadir aluguer. Ningún dato é obrigatorio: anota o que saibas e complétao despois.
  3. Cada aluguer indica se está previsto, en vigor, sen devolver ou devolto, e avisa con Faltan … se chegaron menos exemplares dos pedidos. No seu ⋮ márcalo como devolto ou creas o seu gasto, que se abre coa obra, o importe e o proxecto xa postos.

Se algunha partitura de aluguer ten xa pasada a data de fin, a biblioteca avísao arriba: Revisar deixa na lista só esas.

  1. En Etiquetas, preme Etiqueta.
  2. Escolle unha das que xa tedes, ou escribe unha nova e escolle a súa categoría. Se a categoría tampouco existe, preme Categoría nova.
  3. Para quitar unha, preme a ✕ do seu chip.

Con Xestionar categorías, ao pé do buscador, abres Categorías de etiquetas: arrastra as categorías á orde en que queres velas en todas as partituras e na biblioteca, cámbialles o nome ou bórraas con Borrar categoría. Se unha categoría se usa, ao borrala escolles Pasalas a outra categoría, útil se tedes dúas para o mesmo, ou borrar tamén as súas etiquetas, que se quitan desas partituras e non se pode desfacer.

A partitura escóllese no programa de cada proxecto, como explica Preparar o cadro de persoal dun proxecto. Na ficha, Interpretacións amosa cada concerto en que se usa, co seu Visible para o persoal músico. Para ver todo o que interpretastes dunha obra, consulta o repertorio.

Para quen non ten conta, como quen prepara os sobretítulos:

  1. Nos tres puntos do ficheiro, preme Compartir cunha ligazón.
  2. Escribe Para quen é e escolle canto tempo Vale durante: unha semana, un mes, tres meses, un ano ou ata unha data.
  3. Preme Crear ligazón e Copiar, e envíallo.

En Ligazóns compartidas ves cada ligazón, cantas veces se usou e ata cando vale. Con Retirar deixa de funcionar no momento.

Coa icona de descarga da ficha:

  • Todo, nun .zip descarga todos os seus PDF e a folla da partitura.
  • Folla da partitura, en PDF ou Word, é o resumo para acompañar o material: obra, datos de arquivo, partes, o que falta, observacións e interpretacións.

O mesmo está nos tres puntos de cada fila da biblioteca. Para varias á vez, márcaas na biblioteca e preme Descargar: Folla da partitura descarga as follas das marcadas, e o Excel da biblioteca, as marcadas ou, se non marcas ningunha, todas as que ves coa busca e os filtros.

  1. Na biblioteca, abre os tres puntos da súa fila e preme Eliminar. Desde a ficha, nos tres puntos de arriba, é Eliminar a partitura.
  2. Confirma en Eliminar esta partitura?.

Para eliminar varias, márcaas e preme Accións › Eliminar.

Elimínanse os seus ficheiros e os seus vínculos cos programas, e o persoal músico deixa de vela. Non se pode desfacer.

  • Non ves «Engadir» nin os lapis. O teu rol de acceso só permite ver a biblioteca. Fala con quen administra a túa institución. Se tes varias institucións á vez no selector de arriba, escolle un contrato dunha soa para que apareza «Engadir».
  • Un músico ou unha música non ve a súa parte. Comproba que o ficheiro ten o seu instrumento, ou Todos, e que a partitura está visible no programa do proxecto.
  • Un ficheiro non ten ben a parte. Quita o instrumento coa ✕ do seu chip e engade o correcto co «+».
  • Non se sobe un ficheiro. O aviso do final dite por que. Só se admiten PDF (convérteo antes) de ata 50 MB: se pesa máis, divídeo ou comprímeo. Se di que non se puido subir, téntao de novo.
  • O compositor non aparece na lista. Escribe polo menos tres letras do nome ou do apelido; se non está, engádeo.
  • Non se pode descargar o .zip. A partitura aínda non ten PDF: descarga só a folla.
  • Quen recibiu unha ligazón ve «Esta ligazón xa non está dispoñible». Retirouse ou caducou. Crea unha nova.

Se un PDF non se sobe ou non se abre, ou tes que corrixir un compositor mal escrito, escríbenos a help@weikos.io coa ligazón á partitura.

Nunca che pediremos por correo o teu contrasinal nin os teus datos bancarios. Se recibes unha mensaxe que chos pida en nome de Weikos, non respondas e escríbenos a help@weikos.io.