O teu perfil público
O teu perfil é a túa tarxeta de presentación profesional: a foto, o teu nome artístico, as túas especialidades, onde vives, os teus idiomas, as túas webs, a túa biografía e a túa galería. Veno as institucións que te buscan en Weikos e, se o fas público, calquera persoa coa túa ligazón. Non inclúe os teus datos de contacto nin os teus datos persoais. Quen pode velo escólleo na visibilidade, como explica Xestionar a túa conta.
Paso a paso
Sección titulada «Paso a paso»- Abre o menú da túa foto, arriba á dereita, e entra en Perfil.
- Foto: preme o lapis da foto › Subir e escolle unha imaxe PNG ou JPG. Gárdase ao rematar de subir. Para quitala, Borrar.
- Os teus datos: preme o lapis da tarxeta dos teus datos e completa:
- Nome artístico e Apelido artístico, se te coñecen por outro nome. Só se poden cambiar unha vez ao ano. Se os deixas baleiros, vese o teu nome, e escribir o teu propio nome non conta como cambio.
- Especialidade: en cada fila, a Especialidade (músico/a, solista, director/a, compositor/a, Profesor/a ou Persoal técnico). Se es músico/a ou solista, escolle o teu Instrumento; se es profesor ou profesora, tamén podes escollelo. Se formas parte do persoal técnico, escolle na mesma columna a túa Área: xestor/a cultural, produción, administración, comunicación, escenario, arquivo musical, son, luz e imaxe, públicos e educación, billeteira ou persoal de sala. Se queres, engade a túa Especialización, por exemplo música barroca ou regidoría. Podes engadir varias filas, unha por instrumento ou por área, e combinar especialidades: podes ser músico/a e formar parte do persoal técnico á vez. No teu perfil vese o que escolles dentro de cada unha, como «Fagot», «Produción» ou «Profesora de óboe». Profesor/a e Persoal técnico escóllense na web: as apps teranos na súa próxima versión.
- Lugar de residencia: escribe a túa cidade e escóllea da lista, que cobre a rexión e o país. O ollo de cada campo decide se se amosa. Activa Dispoñible para viaxar se traballas fóra.
- Idiomas, Páxinas web e Redes sociais, como Instagram ou LinkedIn. Escribe as webs completas, comezando por https://.
- Galería: preme Engadir para subir fotos.
- Preme Gardar.
- Biografía: na lapela Biografía, preme o lapis. Escribe unha biografía por idioma, escolle o Idioma predeterminado e preme Gardar.
- Ligazón para compartir: entra en Conta › Ligazón pública, escribe o teu nome único (letras, números, puntos e guións) e gárdao. Despois, cópiaa coa icona de copiar. Só se pode definir unha vez.
- Toca a icona do teu perfil e entra en Perfil.
- Fotos: toca o lapis › Imaxe. En Editar fotos engade as túas fotos: a primeira é a túa foto de perfil e as demais forman a túa galería. Mantén premida unha foto para movela e usa «−» para quitala; se as quitas todas, tamén se quita a túa foto de perfil. Toca o botón de confirmar para gardar. A orde que escolles vese igual na web e na túa ligazón.
- Os teus datos: toca o lapis › Información. Completa o teu Nome artístico, que só se pode cambiar unha vez ao ano, a túa Especialidade, o teu Lugar de residencia co ollo de cada campo e Dispoñible para viaxar, os teus Idiomas, a túa Páxina web e as túas Redes sociais, como Instagram ou LinkedIn.
- Ligazón para compartir: na última sección da mesma pantalla, escribe o teu nome único. Só se pode definir unha vez.
- Toca o botón de confirmar para gardar.
- Biografía: toca o lapis › Biografía, engade un idioma e escribe. O primeiro idioma da lista é o que se amosa por defecto; arrastra os idiomas para ordenalos. Para cambiar ou quitar unha ligazón do texto, tócaa: en Editar ligazón cambias o enderezo ou o texto, e Quitar ligazón deixa o texto sen ligazón. Garda ao rematar.
- Para compartir o teu perfil, usa o botón de compartir da parte de arriba do perfil.
- Toca a icona do teu perfil e entra en Perfil.
- Fotos: toca o lapis › Imaxe. En Editar fotos engade fotos facendo unha foto ou escolléndoas da galería: a primeira é a túa foto de perfil e as demais forman a túa galería. Mantén premida unha foto para movela e usa «−» para quitala; se as quitas todas, tamén se quita a túa foto de perfil. Toca o botón de confirmar para gardar. A orde que escolles vese igual na web e na túa ligazón.
- Os teus datos: toca o lapis › Información. Completa o teu Nome artístico, que só se pode cambiar unha vez ao ano, a túa Especialidade, o teu Lugar de residencia co ollo de cada campo e Dispoñible para viaxar, os teus Idiomas, a túa Páxina web e as túas Redes sociais, como Instagram ou LinkedIn.
- Ligazón para compartir: na última sección da mesma pantalla, escribe o teu nome único. Só se pode definir unha vez.
- Toca o botón de confirmar para gardar.
- Biografía: toca o lapis › Biografía, engade un idioma e escribe. O primeiro idioma da lista é o que se amosa por defecto; mantén premido un idioma e arrástrao para ordenalos. Para cambiar ou quitar unha ligazón do texto, tócaa: en Editar ligazón cambias o enderezo ou o texto, e Quitar ligazón deixa o texto sen ligazón. Garda ao rematar.
- Para compartir o teu perfil, usa o botón de compartir da parte de arriba do perfil.
A túa ligazón ten a forma app.weikos.io/public/profile/o-teu-nome. Con perfil público amosa a túa ficha; con perfil privado só di que estás en Weikos, e con perfil oculto non funciona.
Se non funciona
Sección titulada «Se non funciona»- Non che deixa cambiar o nome artístico. Só se pode cambiar unha vez ao ano. Nas apps o campo sae bloqueado coa data a partir da que poderás cambialo; na web, ao gardar sae Non se cumpren as condicións para cambiar de alias.
- A túa ligazón non amosa a túa ficha. O teu perfil é privado ou oculto. Cambia a visibilidade como explica Xestionar a túa conta.
- Equivocácheste ao escribir o teu nome único. Non se pode cambiar desde Weikos. Escríbenos a help@weikos.io desde o correo da túa conta.
- Na web non podes escribir a rexión ou o país. Cóbrense ao escoller a túa cidade da lista.
- Na web non ves o lapis da galería. Abre antes a lapela Galería.
- Unha das túas webs non se abre ben. Escríbea completa, comezando por https://.
Nunca che pediremos por correo o teu contrasinal nin os teus datos bancarios. Se recibes unha mensaxe que chos pida en nome de Weikos, non respondas e escríbenos a help@weikos.io.