Ir ao contido

Atopar o teu contrato

Os teus contratos aparecen en Weikos cando a institución cos propón no mesmo correo co que entras. Os rexeitados e os que xa remataron están ocultos ata que activas os filtros.

  1. No menú, entra en O meu Weikos › Os meus contratos. Saen os de todas as túas institucións, cada un coa súa institución.
  2. Activa Amosar rexeitados e Amosar finalizados para ver tamén os rexeitados e os que xa remataron.
  3. Dentro dun contrato, Documentos do contrato reúne o contrato, a copia básica e o certificado que che preparou a túa institución. Preme un para abrilo.
  4. Se arriba tes escollido un rol de xestión, só saen os contratos das institucións onde o tes: cambia o rol para ver os demais.
  5. Comproba con que correo entras: menú da túa foto ou das túas iniciais › Datos persoais › Correo da conta.

Se a túa institución reuniu varios contratos de proxecto teus nun só contrato legal, verás un contrato combinado con eses proxectos dentro. O que se prepara e se asina é o combinado; cada proxecto conserva os seus servizos. Non hai que aceptalo: xa aceptaches cada proxecto.

  1. En Os meus contratos, o combinado sae con Combinado · … proxectos. Desprega a súa fila coa frecha para ver os seus proxectos e preme un para abrilo.
  2. No combinado están o contrato e a copia básica. En cada proxecto, os seus servizos e o seu certificado, e o aviso Este contrato forma parte do teu contrato combinado con Abrir o combinado para volver.
  • A institución aínda non cho propuxo. Mentres o prepara, o contrato non che aparece nin che chega aviso. Pregunta a quen xestiona a túa contratación.
  • Está noutro correo. O contrato asóciase ao correo que escribe a institución. Se entras en Weikos con outro, non o verás: pide a quen xestiona a túa contratación que poña o correo co que entras. Se aínda non tes conta, créaa co correo do contrato.
  • Ao abrilo dicíche que o contrato é doutra conta. Pasa se tes dúas contas en Weikos: a invitación está na do correo ao que che chegou o aviso e entraches coa outra. Na app, toca Entrar con outra conta e entra con ese correo. Se non lembras o contrasinal, recupérao con ese mesmo correo. Se queres quedar cunha soa conta, escríbenos.
  • A institución non che deu acceso. Pode ter o teu contrato só para uso interno, sen acceso a Weikos. Pregúntalle.
  • Está rexeitado ou xa rematou. Activa os filtros dos pasos de arriba para velo.
  • Cancelárono. Os contratos cancelados non aparecen na túa lista. Pregunta á túa institución.
  • Traballas con varias institucións e falta o dunha. As causas son as mesmas para esa institución: pregúntalle a ela.
  • Non che chegou ningún aviso. Que non chegue non significa que non estea: mira sempre nos teus contratos. Que avisos se envían explícao Recibir os avisos.

Se a túa institución confirma que cho propuxo, con acceso a Weikos e no correo co que entras, e non che aparece cos filtros activados, escríbenos a help@weikos.io e dinos se usas a web, o iPhone ou Android.

Nunca che pediremos por correo o teu contrasinal nin os teus datos bancarios. Se recibes unha mensaxe que chos pida en nome de Weikos, non respondas e escríbenos a help@weikos.io.