Ir ao contido

Configurar os festivos

Os festivos da túa institución descóntanse ao contar os días das ausencias que se miden en días laborables, agás nos contratos que teñen activado Traballa en festivos. Configúranse en Configuración › Axustes xerais › Actividade. Como se resolven as ausencias explícao Aprobar ou denegar ausencias.

  1. Entra en Festivos e preme Engadir festivo.
  2. Escribe o Nome e escolle a Data.
  3. Preme Gardar.

Os festivos non se ven no calendario nin se repiten sós: engade os de cada ano. Arriba podes escoller de que ano queres velos.

Tamén se descontan das horas esperadas do Resumo de horas do control horario, coa mesma excepción. Explícao Revisar e corrixir os rexistros de entrada e saída.

Un festivo que engades ou borras non cambia os días das ausencias que xa estaban pedidas: vale para as que se pidan despois. O Resumo de horas si o ten en conta ao momento.

  • Unha ausencia non desconta un festivo. Comproba que o festivo está dado de alta no ano desa ausencia, que o tipo de ausencia conta días laborables e que o contrato non ten activado Traballa en festivos. Se a ausencia se pediu antes de engadir o festivo, conserva os días cos que se pediu.
  • Engadir festivo está desactivado. Sae Escolle un contrato para engadir: tes contratos de varias institucións escollidos arriba. Escolle un en Contrato.
  • Non ves esta páxina nos axustes. O teu rol de acceso non inclúe a configuración da institución. Fala con quen a administra.

Se un festivo gardado non se desconta nunha ausencia de días laborables pedida despois, ou necesitas corrixir os días dunha ausencia pedida antes, escríbenos a help@weikos.io coa ligazón á ausencia.

Nunca che pediremos por correo o teu contrasinal nin os teus datos bancarios. Se recibes unha mensaxe que chos pida en nome de Weikos, non respondas e escríbenos a help@weikos.io.